NLW MS. Llanstephan 4 – page 49v
Purdan Padrig
49v
ofnaỽc amgen y|r neb a gerdei y
bont honno. yn|gyntaf rac culet
y bont. O chaffei neb le y ossot y
droet arnei abreid oed y gael. Yr eil
peth. kyn veinet oed ac yd oed amheu
y neb gaỻu seuyỻ arnei rac y meinet.
Trydyd peth oed ofnaỽc rac uchet y
drychafei y bont yn|yr awyr aruthyr
oed y gỽelet. Ac yna y diefyl a|dywaỽt
ỽrthaỽ. O|r mynny di vuydhau ynni
ac ymchoelut drachefyn. ti a eỻy vy+
net y|th wlat yn diogel y ỽrth y peri+
gyl hỽnn ymma. Y marchaỽc ffydlaỽn
yg|crist amgen a vedylyaỽd y saỽl pe+
rigyl y rydhaaỽd Jessu grist ef o·honaỽ
gan alỽ y enỽ ef dechreu a|wnaeth ger+
det y bont dan vessuraỽ troetuedeu a
galỽ enỽ iessu grist. a|dodi y ymdiret
yn yr arglỽyd a|wnaeth a cherdet
yn gadarn heb synnyaỽ beth oed
let y bont dan y draet. A phei uchaf
y kerdei y bont; mỽy uỽy y kaffei
ynteu hi. Ac yn|y ỻe ef a gynnyd+
aỽd ỻet y bont mal y gaỻei garr
olỽynaỽc mynet arnei. a|r|diefyl
a ducsant y marchawc. yno a safassant
| « p 49r | p 50r » |