NLW MS. 3035 (Mostyn 116) – page 117r
Brut y Brenhinoedd
117r
yn| y rodi itt. bryssya y werescyn y peth o| e vod yn mynu
o| e vod y gỽerescyn. bryssya y an hardrychafel ni oỻ.
hyt pan yd hardrychafer titheu. Ny ochelỽn ninheu
kymryt gỽelieu ac agheu o| r byd reit in A hyt pan gef+
fych ti hyny| minheu a| th getymdeithoccaaf ti a deg
mil o varchogyon aruaỽc y·gyt a mi y achwanegu
A gỽedy teruynhu o hỽel y barabyl. [ dy lu.
Araỽn vab kynuarch brenhin prydein a dywaỽt
val hyn. Yr pan dechreuaỽd vy arglỽyd. i. dywedut
y ymadraỽd. ny aỻaf|i traethu a| m tauaỽt y veint le+
wenyd yssyd y| m medỽl hi*. kanys nyt dim genyf|i a| r
wnaetham o ymladeu yr* ar* hoỻ vrenhined a| weresgyn+
assam ni hyt hyn os gỽyr rufein a gỽyr germani a
diaghant yn diarueu y|genhym. ni a heb dial arnadunt
yr aeruaeu a| wnaethant ỽynteu oc an ryeni ni gynt
A| chanys yr aỽr hon y mae darpar ym·gyfaruot ac ỽynt
ỻawen yỽ genyf a damunaỽ yd ỽyf y dyd yd ym·gy+
warffom ni ac ỽynt y·gyt. kanys sychet eu gỽaet ỽynt
yssyd arnaf yn gymeint a| phei gỽelhỽn fynaỽn oer
ger vy|mron y yfet diaỽt Oi a| duỽ gỽyn y vyt a| ar+
hoei y dyd hỽnỽ. Melys awelieu genhyf|i y rei a gymerỽn
i neu y| rei a| rodỽn inheu tra newittyỽn an deheuoed
y·gyt a| n gelynyon A| r agheu hono yssyd velys yr hon
a diodefỽn yn dial vy rieni a| m kenedyl. Ac yn amdif+
fyn vy rydit ac yn ardrychafel an brenhin Ac ỽrth
hyny kyrchỽn yr haner gỽyr hyny. na safỽn yn eu
kyrchu hyt pan orffom ni arnadunt ỽy gan dỽyn
eu hanryded yd aruerom ni o lawen vudugolyaeth
Ac y achwaneckau dy lu titheu minheu a rodaf dỽy
vil o varchogyaỽn aruaỽc heb eu pedyd. A| gỽedẏ dar+
| « p 116v | p 117v » |