NLW MS. Peniarth 11 – page 217v

a|e gymryt yn|y laỽ yn|hy a|oruc. A|roi y neiỻ laỽ ydanaỽ a|r|ỻaỻ

y arnaỽ. ac ar|hynny agori a|wnaeth y prenuol. ac arganuot y|penn

yn amlỽc a|wnaeth paỽb. ac yna arogleu tec a|gyuodes o|r prenuol.

wely arglỽyd heb·y kei ti a|eỻy wybot gỽneuthur o·honaf|i ry  ̷+

muster yn|dy|wassanaeth di. ac nyt oes o|r milwyr yssyd hoff genn+

yt ti yna a aỻei agori y prenuol. nac yrdunt ỽy ny wybydut ti ~

beth a|oed yn|y prennvol. Arglỽyd heb y vorwyn par darỻein y|ỻythyr

yssyd yn|y prenuol a|thi a wybydy o ba|lines yd henyỽ y marchaỽc.

Yna y brenhin a|beris galỽ ar vn o|r offeiryeit. ac a|erchis idaỽ dy+

wedut yn eglur ual|y clyỽei baỽp beth a|oed yn|y ỻythyr. A gỽedy

daruot idaỽ edrych arnaỽ ef a ucheneityaỽd ac a|dywaỽt. arglỽyd

heb ef. gỽarandaỽ arnaf|i yn|da. y ỻythyr hỽnn yssyd yn dywedut

panyỽ y marchaỽc hỽnn a|elwit ỻacheu. a mab oed hỽnnỽ y ar+

thur o wenhỽyuar y vam. a|ỻacheu diwarnaỽt a|ladaỽd logrin

gaỽr. a|chei a|doeth fford yno. ac a|arganuu ỻacheu yn kysgu ar

warthaf y kaỽr. a chei yna a|dorres penn ỻacheu ac a|e kudyaỽd.

ac a|gymerth penn logrin ac a|e|duc y lys arthur. ac a|dywaỽt pa+

nyỽ efo a|e|ỻadassei. Eissyoes kelwyd a|dywaỽt. Pan gigleu ar+

thur a|gỽenhwyvar ual y buassei y damchỽein. tristau yn uaỽr

a|wnaethant. Ac yna y vrenhines a|gymerth penn y mab y·rỽng

y|dỽylaỽ ac a|e hadnabu yn hyspys o achaỽs a|oed ar y wyneb.

a|r|brenhin a|debygassei vot y vab yn|vyỽ etto. A|phan|doeth y

chwedleu hynny y|r ỻys. y dywedut panyỽ y marchaỽc a|r ky

kylch eur a|ladaỽd marchaỽc y|dreic. ef a|debygassei arthur

panyỽ ỻacheu oed hỽnnỽ. kanys o eur oed idaỽ y arỽydockau

panyỽ mab y brenhin oed. Gwalchmei a|laỽnslot a|chỽbyl o|r