NLW MS. Peniarth 11 – page 225v
Ystoriau Saint Greal
225v
di ỽynt yn da. Ac yr duỽ heb hi delit yn|dy gof vyui tra vych
yn|y tỽrneimant. Duỽ a|dalo ytt heb y brenhin. nyt oes deby ̷+
gaf|i yn|y byt marchaỽc o|r a|th|welei ny|dylyei dyuot dy gof idaỽ.
A rthur yna a|wisgaỽd y arueu ymdanaỽ. a|gỽalchmei
yn yr vn ffunyt. a|r vorwyn bioed roi y kylch eur a|do+
eth yno. Nauigaỽns a|doeth a thoryf vaỽr o varchogyon y+
gyt ac ef. a|r tỽrneimant a|dechreuwyt o bop parth. a|r ieuaf
o|r morynyon a|dywaỽt ỽrth arthur. Gwybyd di heb hi. nat o+
es yma hediỽ gỽr kystal y arueu a thydi. edrych ditheu ar
dy uot yn varchaỽc da yrof|i. Duỽ a|gannatto ym vot ue+
ỻy heb·yr arthur. a|thynnu avwyneu eu ffrỽyneu attunt
a|wnaethant. a chymryt neityeu gan eu meirch. Ac yna
y ieuaf o|r morynyon a|dywaỽt ỽrth y ỻaỻ. Ponyt hoff ~
gennyt ti vyng|kedymdeith i heb hi. Hoff heb hitheu. ~
gỽalchmei nyt ydiỽ yn atteb ymi ar vy ewyỻys. ar hyn+
ny arthur a|gỽalchmei a|draỽssant yn|y pres. megys deu
lew. ac ar eu dyuodyat ỽynt a|draỽssant deu varchaỽc
dan draet eu meirch y|r ỻaỽr. a gỽalchmei a gymerth eu
meirch ac a|e roes yn ỻaỽ ysgỽier yr arglỽyd. y erchi eu
dwyn y|r morynyon. A gỽedy hynny nyt edrychassant
ỽy ac ny rodassant eu bryt ar|enniỻ. ac nyt ymgyhyrd+
assant ỽy nac a|thoryf nac a|bydin nys tyỻynt ac nys
byrynt dan draet eu meirch y|r ỻaỽr. hyt nat oed neb yn
gaỻel godef eu dyrnodeu. Nabigaỽns a arganuu wal+
chmei ac a|e kyrchaỽd. a|gỽalchmei ynteu yn gy|ffysget.
yny syrthyaỽd nabigaỽns ac ef a|e varch y|r ỻaỽr. arthur
| « p 225r | p 226r » |