NLW MS. Peniarth 11 – page 48r
Ystoriau Saint Greal
48r
yn|kolli y waet. A|phan|doeth nos ef a|aeth y gysgu ar y|luric. ac
a|dorres arffet y grys. ac a ystopyaỽd y brath. ac a|roes arwyd
y|groc arnaỽ. ac a|wediaỽd duỽ yn|didiffyc yny vu dyd. ac yn
drỽm ganthaỽ vot yn agos o|e elyn a|e|sommi. Ac yna ef a|edry+
chaỽd ar|hyt y mor. ac ef a|argan·vu y ỻong a|welsei gynt a|r
gỽr yndi. ac yna gobeithyaỽ a|oruc peredur rac daet y parableu
a|glywssei gynno hynny ganthaỽ. ac ny bu hir yny doeth y
ỻong y|r tir. ac yna peredur a|gyuodes ual y gaỻaỽd. ac a|gyuar+
chaỽd gỽeỻ y|r gỽr. ac ynteu a doeth att beredur ac a|eistedaỽd
yn|y ymyl. ac a|dywaỽt. Peredur heb ef pa|delỽ y ỻauuryeist
di yr pan euthum j y|ỽrthyt. Myn duỽ heb·y peredur yn
drỽc iaỽn. kanys ef agos y vorwyn a|doeth yma a|pheri ym
bechu yn|varwaỽl ygyt a|hi. Ac yna peredur a|dywaỽt y|r gỽr
y gyfranc. Ac yna yr offeiryat a|ovynnaỽd idaỽ a|atwaenat
ef hi. Nac atwaen heb ynteu. namyn mi a|ỽnn mae y gỽas
drỽc a|e hanuones hi y geissyaỽ vy sommi. ac ef a|m|somyssit
ynheu yn|haỽd pany bei arỽyd y|groc a|dodeis arnaf. drỽy w+
yrtheu yr honn y kefeis j vy synnỽyr a|m|pỽyỻ drachevyn.
Ac y|ffoes y vorwyn ymeith. ac am|hynny arglỽyd kyngho+
ra vi. kanys ny|bu gyn reittet ym eiryoet. Peredur heb
ynteu nyt ỽyt iaỽn synhỽyrus di. pryt nat atwaenost yr
honn a|ffoes rac arwyd y groc. Myn vyng|cret heb ynteu ̷
na|s|atwaen. ac am hynny arglỽyd dywet ym pa vn oed.
a|phỽy y gỽr kyuoethaỽc a|e didreftataỽd hi ~ ~ ~
M J a|e|dywedaf yn|ỻawen heb yr offeiryat y kythre+
ul e|hun oed. a|meistyr ar uffern. a|gỽir yỽ y uot
| « p 47v | p 48v » |