NLW MS. Peniarth 190 – page 20
Ystoria Lucidar
20
ac yn|yr amser gossodedic y gan duỽ ef a|vỽy+
taei o brenn y vuched. ac yn|yr ansaỽd hon+
no y bydei gỽedy hynny. discipulus Pa|hyt y dyly+
ynt ỽy vot ym|paradwys. Magister Yny gyflenwit
rif yr etholedigyon a|r engylyon a ry dygỽ+
ydassynt. discipulus Pa|delỽ y gallei baradwys kyn+
hal hynny oỻ. Magister|Megys yd ant ymeith y
genedyl yr|aỽr honn drỽy angeu. ac y deu+
ant y rei ereiỻ byỽ yn eu hol. velly y credit
mynet y rieni gynt yn ansaỽd a|vei weỻ.
a|e hetiued ỽynteu gỽedy bỽytteynt o brenn
y vuched ynghylch deng|mlỽyd a deuge+
int yn eu hol ỽynteu. ac yn|y diwed y gỽne+
ynt baỽp yn gyffelyb y|r engylyon. disciplus A oed+
ynt noethon ỽynt yna. Magister Oedynt. ac nyt
oed vỽy eu|kewilyd o|e haelodeu kudyedic noc
o|e ỻygeit. discipulus Paham y dywedir. wedy eu pe+
chaỽt ỽynt a|welsant eu bot yn noethon. yr
hynn ny|s|gỽelynt kyn·no hynny. Magister Gỽedy
pechu o·nadunt yd ymlosgassant bop vn
vrth y gilyd. ac yn yr aelaỽt hỽnnỽ y dechreu+
| « p 19 | p 21 » |