NLW MS. Peniarth 190 – page 47
Ystoria Lucidar
47
ched yn erbyn kyfreith a chyfyaỽnder.
a godineb a phuteinrỽyd. a gỽydyeu e+
reiỻ. neu a|werthont neu a|brynont
eglỽysseu. neu enryded eglỽyssic. ac
a|ladont veỻy bobyl duỽ o dybryt ang ̷+
kreifft. kynhebic ynt y|r neb a vrata+
aỽd neu a|groges crist. discipulus Praỽf. Magister Po+
ny dyly offeireit canu offerenneu o
achaỽs duỽ e|hun. ac yr iechyt udunt
ỽynteu. ac y|r hoỻ eglỽys. ỽyntỽy hagen
a|aberthassant yr enniỻ. ac yr eu han+
rydedu o dynyon. ac o|e kyuoethogi o
da amseraỽl. A phỽy bynnac a|wertho
rinwed diodeifeint crist yr canmaỽl
dynaỽl. ac yr enniỻ amseraỽl. beth am+
gen y mae y·n|y wneuthur yn waeth
no gỽerthu y arglỽyd. A phan draethom
o dỽylaỽ budyr a chytwybot halaỽc. y
maent yna yn|y grogi ef. discipulus A vyd ke+
ryd ar y bobyl o achaỽs y rei hynny. Magister
am|halogi o veibyon elẏ gynt aberth yr
| « p 46 | p 48 » |