Breudwd Welsh Prose 1300-1425
Cymraeg

NLW MS. Peniarth 32 (Y Llyfr Teg) – page 216

Llyfr Iorwerth

216

1
amdiffynnỽr. ae gyghaỽs ae ganỻaỽ. ac na bo
2
un·ryỽ eu hatteb. a thystu o|r haỽlỽr ar yr atteb
3
gỽaethaf o·nadunt. a cheissaỽ mỽynyant o
4
hỽnnỽ; kyfreith. a|dyweit dylyu o|r amdiffynnỽr
5
dewis y ardelỽ o|r tri. ae yr hỽnn a dywaỽt e|hun
6
ae a|dywaỽt y gyghaỽs. ae a|dywaỽt y ganỻaỽ.
7
O|deruyd. bot kyfreith. y·rỽg deudyn. a holi o|r haỽlỽr rac
8
bron ygnat. ac atteb o|r amdiffynnỽr hyt
9
na dylyei wneuthur kyfreith. y dyd hỽnnỽ. kanys
10
gỽedy hanner dyd oed. ac na dylyir gỽneu+
11
thur kyfreith. gỽedy hanner dyd. na|e henynnu. a
12
dywedut o|r haỽlỽr nat oed hanner dyd. Ac
13
ỽrth hynny dodi ar|kyfreith. dylyu atteb idaỽ ynteu.
14
kyfreith. a|dyweit dylyu o|r ygneit barnu y·rygth+
15
unt yn gyntaf ae hanner dyd vo. ae ny bo.
16
gan eu ỻỽ bot yn debyckaf ganthunt yr
17
hynn a varnhont. ac os kynn hanner dyd
18
vyd; gatter kyfreith. racdi. os|gỽedy annotter hyt
19
trannoeth. O|deruyd. bot peth ygkyt y·rỽg deu+
20
dyn. a mynnu o bop un onadunt y rannu.
21
ac amrysson onadunt pỽy a ranho pỽy a
22
dewisso; kyfreith. a dyỽeit dylyu o·nadunt eỻ|deu
23
rannu yn|deu hanner yn gyntaf. ac odyna
24
rannent pop vn o·nadunt yn deu hanner y
25
rann ry del attaỽ. ac odyna dewiset baỽp vn.
26
ar y rann a rannaỽd y ỻaỻ. a honno a elwir