NLW MS. Peniarth 32 (Y Llyfr Teg) – page 5
Llyfr Iorwerth
5
y breint hỽnnỽ yny gymeront tir. A gỽedy
as kymeront y tir; ỽrth vreint y tir a gyme+
ront y byd eu breint ỽynteu. dyeithyr hynn.
O deruyd rodi kaethdir udunt; breint y tir
a|drycheif yny vo ryd. Yn|y teir|gwyl arbennhic
nyt oes dylyet y neb ar y diỻat ef. namyn y
ford y mynno y brenhin. Nyt oes dylyet y neb
gỽassanaethwr ar yr etlig. ac ef a dyly kaffel
y wassanaeth yn rat.
P Edwar kadeiryaỽc ar|dec yssyd yn|y
ỻys. Pedwar is koryf. a dec uch koryf.
Yn gyntaf y brenhin a dyly eisted yn nessaf
y|r kelui. ac yn nessaf idaỽ ynteu y kygheỻaỽr.
a gỽedy hynny yr osp. a gỽedy hynny yr etlig.
a gỽedy hynny y pennhebogyd. a|r troedaỽc
y am y dysgyl ac ef. a|r medyc ym mon y
golofyn. Y am y tan a|r brenhin. yn nessaf y|r
kelui yr offeiryat teulu. ỽrth vendigaỽ y vỽ+
yt a chanu y bader. a|r golofyn vch y benn
ef a dyly y gostecwr y maedu. Yn nessaf idaỽ
ynteu yr ygnat ỻys. Yn nessaf y hỽnnỽ y
bard kadeiryaỽc. Y gof ỻys ympenn y veingk
rac deulin yr|offeiryat. Y penn·teulu a|dyly
eisted ar y tal issaf y|r neuad. a|e laỽ assw ar y
taldrỽs. a|r rei a vynno o|r teulu ygyt ac ef.
a|r rei ereiỻ y parth araỻ y|r drỽs. a|r bard teulu
| « p 4 | p 6 » |