NLW MS. Peniarth 33 – page 140
Llyfr Blegywryd
140
san. ae o dodi ẏ|laỽ ẏnn|ẏ bru. ae o
gẏttẏaỽ a|hi. ~ Y|gỽr a|dichaỽn ẏ|gwr+
thot. a|hi dẏlẏ colli ẏ|hoỻ dẏlẏet o ̷
rodi cussan heb vn o|r deu ereill. O|r
kẏttẏa gỽr a|gỽreic arall; talet idi
ẏ|sarhaet dan ẏ|hardẏrchauel vn
weith. kannẏs o genedẏlaeth elẏnẏ+
aeth ẏỽ. ~ Dros dodi llaỽ ẏnn|ẏ bru
ẏ|telir sarhaet heb dẏrchauel idi.
Dros gussan; traẏan ẏ|sarhaet a
vẏd eisseu. kannẏ bu weithret o|gỽ+
bẏl ẏrẏdunt. nac o|tỽẏllofueint idi.
na phẏ|wed bẏnnac ẏ|rodit a* |cussan
idi Y neb a|gussano gỽreic gỽr ara+
ll; talet betwaret rann ẏ|sarhaet
idi. ac ỽellẏ o|dodi llaỽ ẏnn|ẏ bru.
onnẏt ẏr gware ẏr hỽnn a|elwir
gỽare raffan. neu. ẏg|kẏuedach. ne+
u pan del dẏn o|bell. ẏ|neb a|wnel ̷
cỽbẏl weithret. cỽbẏl sarhaet a ̷
tal. Goronw|mab moridic a|dẏ+
wedei. na dẏlẏ gỽr ẏr bot gan wreic
gỽr arall; a|r wreic ẏn|da genthi; ̷
talu dim idaỽ tra vo kanmoladwẏ
| « p 139 | p 141 » |