NLW MS. Peniarth 33 – page 29
Llyfr Blegywryd
29
gẏnẏdẏon ẏ|milgỽn Kylch a geiff
ẏ pennkẏnẏd ar|vilaeineit ẏ|brenhin
a|r|kẏnẏdẏon ganthaỽ. gỽedẏ rann ̷+
hont ẏ|crỽẏn. A|r nadolẏc ẏ|deuant ẏ+
gẏt ẏ|gẏmrẏt eu vreint. ac eu dẏlẏ ̷+
et ẏ|gan ẏ|brenhin o gẏfreiff*. Ẏ|le a ̷
uyd ẏnn|ẏ neuad gẏfarỽẏneb a|r|b ̷+
renhin. o|vẏỽn ẏ golofẏn. a|r|kẏnẏ ̷+
dẏon ẏgẏt ac ef. Corneit o|lẏn a ̷
geiff ẏ|gan ẏ|brenhin. ac arall ẏ|gan
y|vrenhines. A|r trẏdẏd ẏ|gan ẏ|dist+
ein. neỽ ẏ|penteulu. Seic. a|chorne ̷+
ic o|lẏn ẏnn|ẏ ancỽẏn a|geiff ẏnn|ẏ
letẏ. Ac a|geiff traẏan dirỽẏeu. a|ch ̷ ̷+
amlẏrẏeu. ac ebediỽeu. a gobreu. mer ̷+
chet ẏ|kẏnydẏon. Gẏt|a|r brenhin
ẏ|bẏdant ẏ|kẏnẏdẏon o|r nadolic hẏt
pan dechreuhont helẏ ewiged ẏ gỽan+
hỽẏn; Ac yna tra helẏhont ẏ|kaff+
ant gẏlch|ar|vilaeineit ẏ|brenhin; Ac ve+
lly ẏn|hẏdeef* tra halyont geirỽ. O|r
pan dechreuhont helẏ hẏt naỽuettẏd
mei; nẏt atteb ẏ|neb a|e holo onnẏt
vn o|r sỽẏdẏon* vẏd; Yr hebogẏdẏon
| « p 28 | p 30 » |