NLW MS. Peniarth 33 – page 78
Llyfr Blegywryd
78
amhinogeu tir. nẏt amgen. gỽr o|bop
rantir o|r tref ẏ|wẏbot ranneu a|ffin+
nẏeu rỽg ẏ|welẏgord. Trẏdẏd ẏỽ.
meiri. A|chẏgheỻorẏon ẏ|gadỽ teruẏ+
neu. A|chẏmẏdeu. kannẏs brenhin
bieu ẏ|teruẏneu hẏnnẏ. Tri phe+
th a|geidỽ coff*. ac a|seif ẏn lle tẏston
ẏ|dẏn ar|ẏ dẏlẏet o|tir. Lle hen odẏn.
neu bentan·vaen. neu ẏsgynuaen.
Tri dẏn ẏ|telir gwelẏ tauaỽt v ̷+
dunt; ẏ|vrenhin pan dẏwetter ge ̷+
ir hagẏr ỽrthaỽ. Ac ẏ|vraỽdỽr pan
ỽẏstler ẏnn|ẏ erbẏnn am iaỽn varn
os ef a|e kadarnha. Ac ẏ|offeirat ẏn+
n|ẏ eglỽẏs ẏnn|ẏ teir gỽẏl arbein*+
nc. neu rac bron ẏ|brenhin ẏn dar+
ỻein ỻẏthẏrẏeu. neu ẏnn|ẏ gỽneu+
thur Tri chowollaỽc llẏs ẏssẏd.
kerwẏn ved. A|brawt. A|chathẏl. kẏnnẏ
dangos ẏ|r brenhin Tri dẏn a|geidỽ
breint llẏs ẏn aỽssen brenhin. Offei+
rat teulu. A braỽdỽr llẏs. A|dẏstein.
Pẏ|lẏ* |bẏnnac ẏ|bỽẏnt ygẏt. ẏno ẏ
bẏd breint llẏs. ~ ~ ~ ~ ~ ~ ~ ~ ~
| « p 77 | p 79 » |