Breudwd Welsh Prose 1300-1425
Cymraeg

NLW MS. Peniarth 38 – page 48v

Llyfr Blegywryd

48v

.kyfreith. a|tal pop vn o hynny. Pal. ac ystỽc helyc. a
dyscyl lydan. a|ridyll; keinhaỽc cotta a tal pop vn.
TVrnen. a lletfet. a|ỽhynglo; ffyrllig a|tal pop
vn. Payol yỽ a mit. a|budei ystyllaỽt. a|budei
ren*. a|noe. a nithlen. a|phadell troedaỽc. a|ffiol lyn
ony byd eur neu aryant erni; pedeir keinhaỽc
kyfreith. pop vn Keubal; pedeir ar|hugeint. Raff
vleỽ; keinhaỽc cotta. Aradyr; dỽy geinhaỽc
kyfreith. hirieu a|e phistlon; keinhaỽc. kyfreith. Sỽch; dỽy
geinhaỽc. kyfreith. Kỽlldyr; pedeir keinhaỽc. kyfreith O|r
torrir aradyr yn lledrat. neu y|treis. a gorvot y
talu; gỽerth yr aradyr a|telir ac aradỽy tri dieu.
aradỽy vn dyd; dỽy geinhawc. kyfreith. Kist; ỽyth gei+
nhaỽc. kyfreith. Rỽyt ehogyn; pedeir ar|hugeint.
penllỽydc*;  vn ar|pymthec. Ballaỽec; deudec
keinhawc. Ballecrỽyt; pedeir keinhawc kyfreith. Korỽc. de+
udec keinhawc. Kyfrỽy eurgalch; pedeir ar|hugeint
Kyfrỽy lliỽ y pren; deudec keinhawc. Torch milgi
brenhin; ỽyth geinhawc. kyfreith. Torch milgi breyr;