NLW MS. Peniarth 45 – page 242
Brut y Brenhinoedd
242
a|e hymlit o|r bryttanneit udunt a llad aer+
ua uaỽr o·nadunt. A daly ereill. Ac yn|y fo
hỽnnỽ y llas uultei senadur. Ac euander uren+
hin syria. Ac gỽedy caffel o|r bryttanneit y
budugollaeth honno. yd anuonet y carcha+
roryon parth|a pharis. Ac ymchoelut dra+
cheuyn gan adaỽ y brenhin uudugollaeth
Canys niuer mor vychan a|hỽnnỽ ar cau+
ssei budugollaeth o|r saỽl elynyon hynny;
AC gwedy gwelet o amheraỽdyr ruuein.
meint oed y collet o|e wyr ar dechreu
y luud. Tristaỽ a oruc yn uaỽr a medyly+
aỽ peidaỽ a|e darpar am ymlad ac arthur.
A mynet o|r lle yd oed hyt aỽuern y arhos
porth ataỽ o newyd. Ac gỽedy clybot o
arthur hynny. Mynet a oruc ynteu y ra+
got tranoeth y ford y deuynt. A mynet hyt
nos yny doeth hyt yno. Ac gwedy eu dy+
uot hyt yno lluneithu y gỽyr a|wna+
ethant trỽy naỽ bydin. A chwe gwyr a
tri ugeint a chwe chant a chwe mil ym
pob un o·nadunt. Ac yn ychwanec dodi
lleng ar neilltu yg gwerssyllt erbyn
pan uei reit ỽrthi. A morud tywyssaỽc ca+
er loeỽ yn|y llywyaỽ. Ac y bob un o|r bydino+
| « p 241 | p 243 » |