NLW MS. Peniarth 46 – page 331
Brut y Brenhinoedd
331
1
y|priaỽt genedyl a theruysc maỽr yrydunt.
2
a|gỽedy duunaỽ y|saesson a godmỽnt. ymlad
3
a|ỽnaethant yn erbyn keredic urenhin. a|gỽe+
4
dy y|ffo y|ymlit o|le y|gilyd hyt yn cyrcestyr.
5
Yna y doeth ymbert nei y lowis urenhin freinc
6
a|gỽrhau y godmỽnt trỽy amot cael porth
7
ohonaỽ ynteu gann gotmỽnt y|oresgynn
8
ffreinc. ar dorr loỽis. canys aghyureithaỽl
9
y|deholassit ef o freinc. ac o|r diỽed eissoes y
10
ymlad cat ar|uaes a|ỽnaethant a|cheredic
11
a|e gymell ar ffo hyt yg|kymry. ac ny orffỽ+
12
yssaỽd y|gotmỽnt hỽnnỽ o|lad a llosci y|gỽla+
13
doed yny daroed idaỽ dileu holl ỽynep. ynys. prydein.
14
hayach o|r mor y|gilyd. y|gỽyr. a|r gỽraged.
15
a|r morynyon. a|r yscolheigyon. a|r offeire+
16
it hep trugared. a|e distriỽ hyt y|prid. a|r
17
hynn a|diaghei a|ffoynt y|r diffeithỽch. a|r
18
ynyalwch y|geissaỽ amdiffyn y|heneiteu.
19
Yuelly genedyl truan. ynys. prydein. y|gỽneuthost|i o|th
20
syberỽyt. Canys titheu kynn o hynn a|gym+
21
helleist y|teyrnassoed pell y darestỽg yt. ac
22
ỽeithon megys gỽinllan ỽedy yr ymhoelu ar
23
hỽerỽed ny elly amdiffyn dy|ỽlat na|th|ỽraged
| « p 330 | p 332 » |