NLW MS. Peniarth 47 part i – page 7
Ystoria Dared
7
ae holeu na chỽedleu y|vrthunt ymhoe*+
lur a orugant adref dracheuen.
D ared frigius yr hỽnn a|yscriuenỽys
hystoria troia a|dyỽat y|bot yn vyỽ
yny gahat caer troya. ac ef a|ỽeles
y|tyỽyssogyon hynn pann oed hedỽch. ac a
uu yn rei o|r ymladeu. a|chlybot gann ỽyr
groec y|pryt. a|r|furyf a|oed ar|tyỽyssogy+
on groec. a|rei troia. Castor. a|pholux kynn+
hebic uuant o|bryt. ac annyan. Gỽallt
melyn penngrych. a|llygeit maỽr a|oed
vdunt. ỽyneb tec eglur. a chorff maỽr hir
ffurueid. Elen a|oed gynnhebic ỽdunt ỽy.
a|furueid oed a|hynaỽs. a gỽar a|mul. o|vryt
a chlaer. ac esgeirỽreic da oed. a geneu by+
chan krỽnn idi. a|mann a|oed yrỽg y|dỽy
ael. [ agamemnon. korf gỽynn maỽr. ae+
lodeu kadarnn. doeth prud. bonhedic kyf+
uoethaỽc oed. [ Menelaus gỽr byrr llydan
coch furueid. kymeredic radlaỽn. Ychel+
arỽ. dỽyvronn lydan. geneu tec adurn.
aelodeu grymus maỽr gỽasgaredic. penn ̷ ̷+
| « p 6 | p 8 » |