NLW MS. Peniarth 9 – page 49r
Ystoria Carolo Magno: Can Rolant
49r
kay gan y diolỽch yr vrenhines ac achwanegu
yr ymadraỽd hỽn. Os duỽ a ryd hoydyl y mi
heb ef mi a atebaf y aỽch anryded. ac aỽch ro+
dyon gan y dalu ac achwanec y danaỽ o usur.
Ac ar hyny y doyth y trysorỽr ar y brenhin
ar rodyon ac ar gỽystlon gantaỽ y eu hanuon
y charlymayn. ac nyt y ran leihaf a duc y wen+
wlyd yn obyr bratỽr. pỽn deg meirch o eur co+
yth. kymer hyn heb ef yr aỽr hon dywyssaỽc
bonhedic a|thi a|geffy a|y kymeint a|y a vo mỽy
y gyniuer gỽeith y hanuonych amdanaỽ. O ffe+
ry ditheu y mi lle ac amser y boyni syberwyt
rolond. Nyt reit heb y gỽenwlyd tra blinaỽ
neb o adolỽyn idaỽ gỽneuthur y peth y bo ych+
wanogach ef o|y wneuthur no|r neb a|y harcho.
Edrych ditheu heb y gỽenwlyd yn bot ninheu
yn vn vryt o hyn allan. ac na aller gỽahanu
an kyfnessafrỽyd byth bellach. llyman y rody+
on a edeweis i y charlymayn trỽy vygkena+
deu. A llyman idaỽ ef ugein ỽystyl y gyt ar ro+
dyon ac y gyt a hyny agoryadeu saragys. A phan
rodych ti idaỽ ef pop peth o hyny coffa ditheu ky+
mỽyssaỽ y mi vy rodyon o agheu rolond. gỽna
vn peth y adaỽ ef yn geitwat yn ol. Ac os hyny
a|damwina*. ef a geiff y gennyf vinheu brỽy+
dyr agheuaỽl. Vit* ual y dywedy heb y gỽ+
enwlyd a blỽydyn vyd gennyf i pob aỽr o|r a
notter agheu rolond yndi. Ac odyna ef a
ysgynnỽys ar y varch ac a gymerth y fford
| « p 48v | p 49v » |