Breudwd Welsh Prose 1300-1425
Cymraeg

Oxford Rawlinson MS. B 467 – page 85r

Meddyginiaethau

85r

y ford a|dẏrneit o|r|trẏỽ a mortera wẏnt. a|dot
wẏnn wẏ a|mel a|blonec hen igẏt ac wẏnt
a|gỽna eli ac elia ẏ|brath. Rac gỽenỽẏn. Kẏ+
mer centori. a|bettoẏn. a|saẏge. a|gỽin. ac a  ̷+
che. a wermot. a|fenẏgẏl. radich. ac|ẏf ẏ|sud
igẏt a|gỽin. Rac brath neidẏr Kẏmer garrei
o|groen hẏd a rỽẏm o|bob hanner i|r brath ac
wedẏ hẏnnẏ kẏmer iar a thẏnn ẏ|pluf o|gẏlch
i|thin ẏn vẏỽ a dot din ẏr iar ar ẏ|brath a|da+
lẏ hi ar ẏ|brath hẏt pan i|gỽelẏch ẏn hỽẏddo
ac ẏna dot arall wrthaỽ a|dalẏ ẏn ẏr vn mod
hẏt pan dẏnner ẏ gỽenỽyn oll allan. ac ẏ+
na dẏro iddaỽ o|ẏ ẏfet dragaunce. morel a|r
benngalet. neu centori. bit ddẏn bit lỽdẏn.
Rac brath gỽenẏnen. Kẏmer ddeil ẏr hokẏs
a|briỽ a|dot ar ẏ|brath Rac crach a|thrẏskli