Cambridge Trinity College MS. O.7.1 – page 17v
Llyfr Blegywryd
17v
y da e hunan. ef a tal y collet oll o
gyfreith. llyuyr kynaỽc a dyweit
hagen bot yn haỽs y gredu ef or dy ̷+
gir y da e hunan yn lledrat gyt ar llall
a gỽelet torr ar y ty. hef* a dyly hagen
tygu a dynyon y ty gantaỽ y vot
ef yn iach or da hỽnnỽ. Or cledir
y dayar hagen y dan y ty gỽedy gỽ+
nel ef y gyfreith y vot yn iach;
brenhin bieu dayar. Ac ny dyly
keitwat vot drosti. Or dỽc dyn
da ar geitwat y gadỽ a cholli peth
or da. a bot ymdaeru rỽg y perch+
enhaỽc y da ar keitwat am y da.
y keitwat bieu tygu ar vn dyn
nessaf y werth gyt ac ef. os peth a
watta a pheth a adef. Or gỽatta
neb adneu a rodho dyn yn|y laỽ y
gadỽ. neu torr ty; rodet reith deu ̷+
dyblyc. megys y mae am veich ke ̷+
uyn. neu o pỽn march. Teruynedic
yỽ o pỽn march o adneu llỽ petwar
gỽyr ar|hugeint. Am veich kefyn;
llỽ deg wyr. Y tayogeu a dyly iaỽn+
hau y camheu a wnel eu meibon
| « p 17r | p 18r » |