Breudwd Welsh Prose 1300-1425
Cymraeg

Cambridge Trinity College MS. O.7.1 – page 42v

Llyfr Blegywryd

42v

thyn y ỽrthaỽ. Y neb a artho prifford
neu ffos ar ffin; talet wheugeint yr
brenhin. Gỽahardadỽy yỽ y coet am
y ffrỽytheu or pymhet dyd kyn gỽyl
uihaghel. hyt y pymthecuettyd gỽe  ̷+
dy yr ystỽyll. Ac or moch a gaffer y+
n|y coet. llather y decuet o·honunt
hyt y naỽ. Ac odyna llather pob vn
pan gaffer hyt y diwethaf. Or moch
a gaffer yn distrỽyaỽ* yt aeduet;
talher gỽerth yr yt a distryỽyt dros+
tunt. Pan gaffer moch y myỽn yt
kyn y uot yn aeduet neu y myỽn
gỽeirglaỽd or ymchoelant y rei hyn+
ny; talher pedeir keinhaỽc kyfreith
drostunt nac vn a uo na lliaỽs y
gyt. Achaỽs agori y dayar. Ac uelly
am pob tir a wahardher racdunt.
Rỽg llys a llan; naỽ [ os agorant.
nieu y rodi atteb a naỽ y rodi
mach. a naỽ y rodi gỽir or haỽl
deissyfyt. Haỽl vn gantref; tri dieu
y rodi atteb. A thri y rodi mach.
A thri gỽir. Yn|y cantref nessaf;