Bodorgan MS. – page 104
Llyfr Cyfnerth
104
a dalher erni. pedeir keinhaỽc. kyfreith. a geiff
y brenhin. Tryded yỽ gỽarthec y vaerty. O
pop eidon a dalher arnunt; pedeir keinha+
ỽc. kyfreith. a geiff y brenhin. Teir rỽyt tay+
aỽc ynt. y warthec. ae voch. ae hentref. o
pop llỽdyn a gaffer yndunt; pedeir keinha+
ỽc cota a geiff y tayaỽc o galan mei hyt
pan darffo medi. Teir rỽyt breyr ynt.
y re. a gỽarthec y vaerty. A|e voch. kanys
o|r keffir llỽdyn yn eu plith; pedeir keinha+
ỽc. kyfreith. a geiff y breyr o pop llỽdyn.
TEir dirỽy brenhin ynt; dirỽy treis.
A dirỽy ledrat. A dirỽy ymlad kyfad+
ef. Diuỽyn dirỽy treis yỽ Gỽyalen ary ̷+
ant. A ffiol eur. A chlaỽr eur yn y mod y
dywespỽyt am y messureu yn difỽyn sar+
haet brenhin. Diuỽyn dirỽy ymlad kyf+
adef yỽ deudeg mu. Diuỽyn dirỽy led+
drat yỽ. kyssỽynaỽ lledrat ar dyn. a gỽa+
du o·honaỽ yn da ar y tauaỽt. A gossot re+
ith arnaỽ ae phallu. lleidyr kyfadef can
pallỽys y reith. gỽiryon o|e pen e|hunan
ae tauaỽt. ny delit dim yn| y laỽ. ny cha+
hat dim gantaỽ. deudeg mu dirỽy arnaỽ.
| « p 103 | p 105 » |