NLW MS. 24029 (Boston 5) – page 152
Llyfr Blegywryd
152
fgord lỽdẏn. ac na ỽẏpper pỽẏ a|e llatho.
doet berchen ẏ|llỽdẏn a|chreir gantaỽ ẏ|r
tref. ar* rodent lỽ diarnabot. Ac odẏna ta+
lent ẏ|llỽdẏn i|rif eidon. Ac o|r bẏd eidon
moel ran deu eidon a|daỽ arnaỽ. A|r|gẏfreith
honno a|elỽir llỽẏr tal gỽedẏ llỽẏr tỽng.
O|r bẏd atdef ar|neb eidon llat ẏ llall. tal ̷+
et ẏ perchennaỽc. Vn peth ar|dec ẏssẏd;
a|gỽerth pob vn ohonunt ẏỽ; pedeir ke ̷+
innaỽc cota. LLo kẏnfflith. a|e|theth. pede+
ir keinnaỽc pan dotter ieu gẏntaf ar
ẏch. A|phedeir keinnaỽc a|chwanecceir
ar werth march pan ffrỽẏner gẏntaf.
A|gafẏr. a|bỽch. ac asgỽrn tỽn uch creu+
an. ac ebaỽl ẏmdiuat. A|phedeir kein+
naỽc gỽastrodẏon. A|phedeir keinnaỽc
heit a|disgẏnho ar gagen. A|chostaỽc
tom. Nẏ dẏlẏ kẏhen vot ar|leidẏr
a|berthẏno ẏ|werthu hẏnnẏ vo manac
arnaỽ ẏn|gẏntaf trỽẏ tỽg ẏnn|ẏ|tri|lle
megẏs ẏ|mae racdẏwededic kẏn hẏnn
NY dẏlẏ vot reith ar leidẏr kẏssỽynn
hẏnnẏ vo manac arnaỽ ẏnn|ẏ llẏs ẏn
L O o|hanner maỽrth [ gẏntaf.
neu ebrill. hẏt galan racuẏr.
| « p 151 | p 153 » |