NLW MS. 24029 (Boston 5) – page 53
Llyfr Blegywryd
53
vach. LLaw ẏ mach. A|llaỽ ẏ|neb a|e rotho
ẏn vach. a llaỽ ẏ|neb a|e kẏmero. Ac ẏm+
ffẏnẏdaw o|laỽ ẏ|laỽ. O|r bẏd vn llaỽ eis+
seu o hẏnnẏ ẏn ẏ·mffẏdẏaw; balawc ve+
chni ẏ|gelwir honno. Eithẏr ẏ lle ẏd|el
dẏn ẏn vach kẏnnogẏn. dros e|hun. neu
dros arall nẏ|s rotho ẏn vach. Anssawd
balaỽc vechni ẏỽ; bot ẏ|n·eill benn idaỽ
ẏn rwẏm. a|r llall ẏn|rẏd. Ac ỽrth hẏn+
nẏ o|r kẏmer ẏ|dẏlẏaỽdẏr ffẏt ẏ talaỽdẏr
ar|talu ẏ|dẏlẏet; a|ffẏd ẏ mach ar gẏm+
ell ẏ talaỽdẏr. pob vn ohonunt a|dẏlẏ gỽ+
rtheb o|e amot ẏ|r dẏlẏaỽdẏr. Onnẏ|che ̷+
mẏr onnẏt ffẏd vn ohonunt. nẏ|dẏlẏ
eithẏr vn gỽrtheb idaỽ. Heuẏt o|r|dẏrẏ
ẏ|mach ẏ|ffẏd ẏ|r dẏlẏaỽdẏr ar gẏmell
ẏ|dẏlẏet idaỽ; ef a|dẏlẏ ẏ gỽrtheb idaỽ o|r
dẏlẏet oll. Kẏnny chẏmero ffẏd ẏ|tal ̷+
aỽdẏr. Gỽedẏ del oet dẏd talu; ẏ|mach
a|dẏlẏ oet dẏd ẏ|gẏfuarch ẏ|talaỽdẏr.
Oet mach ẏ barattoi tal; vn dẏd ac wẏ+
thnos. o|r bẏd idaỽ talu. O teir|fford ẏd
oetir mach a|chẏnnogẏn; o|glẏbot corn
ẏ|brenhin ẏn mẏnet ẏnn|ẏ luẏd. Ac o
haỽl treis. Ac o|haỽl letrat. Teir|me+
| « p 52 | p 54 » |