BL Cotton Cleopatra MS. A XIV – page 52r
Llyfr Cyfnerth
52r
wlat uyd. kyt lludyo y brenhin rodi da y+
n| y gyuoeth hyt ym pen yspeit digyfreith
uyd y penkerd. Pan y mynho y brenhin
kerd oe guarandaỽ canet y penkerd deu
ganu y mod duỽ ar tryded o pen·naeth ̷+
eu yn| y guarthaf ty. Pan uynho y uren ̷+
hines gerd oe guarandaỽ yn yr ystauell
canet y bard teulu tri chanu yn disson
rac teruyscu y llys.
Keneu gellgi brenhin tra uo kayat
y lygeit pedeir ar hugeint a tal.
Yn| y growyn ỽyth a deugeint a| tal. Yn| y
gynllỽst vn ar pymthec a| phetwar uge ̷+
int a| tal. Yn| y ouer hely hanher punt a| tal.
Pan uo kyfrỽys punt a| tal. Sef a| tal mil ̷+
gi brenhin or dechreu hyt y diwed han+
her kyfreith gellgi brenhin gogyuoet ac
ef. Vn werth yỽ gellgi breyr a milgi bren ̷+
hin gogyuoet ac ef. Sef a| tal milgi breyr
hanher kyfreith gellgi breyr gogyuoet
ac ef. Pa ryỽ bynhac uo keneu tayaỽc
| « p 51v | p 52v » |