BL Cotton Cleopatra MS. A XIV – page 64v
Llyfr Cyfnerth
64v
A* bot ymdaeru y·rỽg y keitwat a|r perchen ̷+
aỽc am y da hỽnnỽ y keitwat bieu tygu
ar vn dyn nessaf y werth oe genedyl. Kyf ̷+
reith eur yỽ y rodi o laỽ y laỽ dan tyston yn
llaỽ y keitwat y gadỽ. Kyfreith aryant
yỽ eu riuaỽ ar| gyhoed o laỽ y gilyd yn llaỽ
y keitwat. Un dyn a|d·dieinc o ledrat kyf ̷+
adef kic a| chroen ar y geuyn. Yghenaỽc
alldut a uo teir nos a| thri dieu heb garda ̷+
ỽt heb westua. A chrỽydraỽ o·honaỽ teir| tref
beunyd a| naỽ tei ym pop tref. Ac yna rac
newyn guneuthur lledrat o·honaỽ. Ae
dala ynteu yna a chic a chroen ar y gef+
yn. Ef a dyly y ollỽg yn ryd heb croc a heb
werth. Un dyn ny dyly y ty y uot yn ua ̷+
rỽ·ty kyffoet marỽ heb gymun. ygnat
llys. Un aneueil a a o pedeir keinhaỽc
y punt yn vn dyd gellgi. os tayaỽc biei+
uyd y bore pedeir keinhaỽc a| tal. Ac or rod ̷+
ir yr brenhin y dyd hỽnnỽ punt a| tal.
Ammỽs ynn pori allan a| milgi heb y torch
| « p 64r | p 65r » |