BL Cotton Titus MS. D IX – page 30r
Llyfr Blegywryd
30r
megys na wattei dim. DJuỽyn dirỽy tre ̷+
is morỽyn yỽ gwialen aryant a|ffiol eur
mal y|dywetpỽyd am|y messureu yn diuỽyn
sarhaet brenhin. DJuỽyn dirỽy ymlad;
yỽ; deudeg|mu. DJvỽyn dirỽy letrat yỽ;
kyssỽynnaỽ lletrat ar dyn. a gỽadu oho+
naỽ yn|da ar|y|tauot; a gossot reith arn ̷+
aỽ. a|e phallu. lleidyr kyuadef can pallỽys
y|reith. Gỽirion o|e benn e|hun a|e dauot.
ny delit dim yn|y laỽ. ny chaffat
dim gantaỽ. deudeg|mu dirỽy arnaỽ
T Eir rỽyt brenhin ynt; y|te +
ulu. ac allỽest y|veirch. a|e|breid+
oed gwarthec. pedeir keinnaỽc
kyffreith a geiff y|brenhin o bop eidon a ̷
gaffer ym|plith y|ỽarthec. ac|velly o bop march a gaffer ym|plith y|veirch yveirch. Teir rỽyt bre+
yr ynt; allỽest y|veirch. a breid warthec.
a genvein voch. o bop llỽdyn a gaffer yn
y|plith. oc eu kyfuryỽ; pedeir keinnaỽc
kyfreith a geiff y|breyr. Teir rỽyt tay+
aỽc ynt; y warthec. a|e|voch. a|e|hendr+
ef. o|bop llỽ dyn a gaffer yn eu
plith o galan mei hyt am+
sser medi. pedeir keinnaỽc a|geiff
y|tayaỽc. TRi chorn buelyn y|r brenhin;
y gorn kyued. a|e gorn kyweithas. a|e ̷
| « p 29v | p 30v » |