BL Cotton Titus MS. D IX – page 63v
Llyfr Blegywryd
63v
a|herỽyd hynny y|dylyant henuryeit gỽlat
kyttystyryaỽ yn garedic pỽy ohonunt
yssyd yn|adef gỽir pỽy nyt ydiỽ. a gỽedy
darffo y|r henuryeit racrithyaỽ eu syn+
nỽyr. a|chadarnnhaỽ eu dull trỽy tỽg.
Yna y|dylyant y|braỽdỽyr menyt ar|ne+
illtu. a|barnu herỽyd yr henuryeit. a ̷
dangos y|r brenhin yr hynn a|varnhont.
a|hynny yỽ deturyt gỽlat gwedy gwedy*
gwrtheb. ac velly y|teruynnir trỽy gyure+
ith dadyl am tir.
P ann dechreuher kennhen am ter+
vyneu tired. neu trefyd. Os y+
rỽg tir y|llys a|thir y|wlat y
dechreuir. llys a|teruynna. Os
yrỽg tir eglỽys a thir y wlat. eglỽys
a|teruynna. Os yrỽg kyttetiuedyonn;
breint a|teruynna. Os yrỽg tir kyuan+
ned a|thir diffeith. kynn·warchadỽ a|ter+
vynna. adeil. ac aradỽy yỽ kyuanned.
Pann teruynno llys; Maer. a chyghella+
ỽr bieu dangos y|teruynneu drosti. Os e ̷+
glỽys. bagyl ac euegyl. O|r byd amrys+
son rỽg deu dyn vn vreint am|teruynn.
ac na wypper gỽyir yrydunt. tythget*
pob vn y|teruynn. a gỽedy hynny ran ̷+
| « p 63r | p 64r » |