BL Cotton Titus MS. D IX – page 81v
Llyfr Blegywryd
81v
ho ac|wynt. herỽyd eu kytwybot. Cof llys
a|deturyt gỽlat vn|rym ynt. ac nyt
am|yr vn ryỽ beth y|perthynnant. Cof
llys am|yr hynn a|fuu yg|gỽyd. llys y|perth+
ynn. Deturyt gỽlat. gỽironned a|dengys
y|myỽn llys am|yr hynn a|fuu yn aỽssenn
llys. Trydyd aruer yỽ; kynnal amsser ky+
ureithaỽl y|wnneuthur grym. a|chryn+
nodeb y|myỽn dadyl. megys amsser tystu
neu diuỽynnaỽ tystolyaeth vywaỽl var+
ỽaỽl. neu y|llyssu tystolyaeth vyỽaỽl. neu
y|alỽ gỽybydyeit. neu o|e gỽrthneu. neu
o|e llyssu. neu amsser y|ymỽystlaỽ am varn.
amsser tystu|yỽ; pann darffo caeu ar|y
dadyl. yn erbynn|haỽlỽr. ot edeỽir dim
o|r haỽl heb wadu. neu y amdiffynn. nev
o|r dyỽeit yr haỽlỽr. neu amdiffynnỽr
dim yn gam. neu agkyureithaỽl. O|r
dyỽeit vn ohonunt geir cam parth
a|r llall. ny pherthynn y|holi o|hynny.
namyn tystu arnaỽ yn deissyuedic. Mar+
ỽaỽl yỽ pob tystolyaeth eithyr y|rei hy+
nny. neb a|vynnho lyssu tystolyaeth
varỽaỽl. aet yn erbyn y|neb a|e|tysto.
Y neb a|vynnho llyssu tystolyaeth
vyỽaỽl; aet yn erbyn y|tystonn. yn ̷
| « p 81r | p 82r » |