Cardiff MS. 1.363 (Hafod 2) – page 152r
Brut y Brenhinoedd
152r
dylyt hyt ar dym er hynn a dyaghassey o+
honỽnt. Ac gwedy erchy onadỽnt ar e wed
honno wylaỽ o warder a orỽc ar rody yr G+
wyrda henny kymeynt ac a archassant.
AC gwedy darỽot henny syllỽ a orỽc how+
el ỽap emmyr llydaỽ ac|anryỽedỽ ansaỽd
e llynn. e ssaỽl aỽonoed. ar ssaỽl enyssed. ar
ssaỽl kerryc. ar|ssaỽl nythot eryrot. Ac ỽal ed
o·ed ef en anryỽedỽ henny. arthỽr a dyw+
aỽt ydaỽ bot|llynn arall en e wlat|honno a
oed ryỽedach no hwnnw. ac nyt oed pell ody+
no. ac|ỽgeynt troytỽed en|y hyt. ac ỽgeynt
en|y let. a hynny pedrogyl. a phedeyr kene+
dyl o pyscaỽt endav amryv. ac ny cheffyt by+
th ỽn o|r rey en ran y gylyd. Ac y gyt a henny
heỽyt ef a dywaỽt bot llynn arall eg kymry
ar glann hafren a dynyon e wlat honno a|e ge+
ylw ef llynn llywan. Ar llynn hwnnw pan ỽo
e mor en llenwy a kymer e dwfyr endaỽ ac a|e
llwng megys morkerwyn hyt na chỽdyo dym
o|y glanneỽ. Ac y gyt ac ed ymchwelo e mor y
treyaỽ e gwrthyt e llynn hỽnnỽ e dwfyr a ky+
| « p 151v | p 152v » |