Breudwd Welsh Prose 1300-1425
Cymraeg

Cardiff MS. 1.363 (Hafod 2) – page 181v

Brut y Brenhinoedd

181v

chynt e brytanyeyt o|y dysc enteỽ a creỽlonach a
mynychach e gwneynt aerva. Ac wrth henny o|y
hannoc ef grym ac enny a kymerassant e bry+
tanyeyt a dwyn rvthyr yv gelynyon. ac o pob
parth ena dyrvavr aerva a orvcpwyt. kanys
em parth er rvueynwyr ena y gyt ac aneyr+
yf o vylyoed ereyll e syrthyassant. alyphant bren+
yn er yspaen. mysypa brenyn babylon. Qwyntvs m+
ylvyvs. maryvs lepydvs senedwyr. Ac o parth e bry+
tanyeyt e dygwydassant. holdyn yarll Rỽthen.
a leodegar yarll bolwyn. a thry tywyssavc o
enys prydeyn. Gvrsalem o kaer keynt. a Gwalla+
vc vap llyonnavc o salesbvry Ac wrth henny y
bydynoed ed oedynt en eỽ llywyaỽ Gwanhaỽ a g+
wnaethant a ffo trachevyn hyt pan kyvarfỽant
a bydyn howel ỽap emhyr llydaỽ a Gwalchmay
ar vydyn honno megys fflam en ennynnv godey+
th kan galw er rey a ffoynt kyrchv ev gelynyon
ar rey a oedynt kyn|no henny en erlyt er rey hen+
ny a kymellassant trach eỽ kevyn ar ffo. Ac y gyt
a henny ev herlyt wynt|kan ev bvrv ac ev llad ac
gwnevthvr aerva onadvnt hep orffowys hyt pan
deỽthant hyt ar ỽydyn er amheraỽder. Ac g+
wedy gwelet o|r amheravder aerva er rey eydaỽ