Cardiff MS. 1.363 (Hafod 2) – page 184v
Brut y Brenhinoedd
184v
dyssyvyt en kyrchv e gelynyon hep tebygv
dym o henny. ac o|r tv en ol er rvueynwyr en
ev kyrchv. a chan eỽ gwaskarv mynet trostvnt.
kan gwneỽthvr mwyhaf aerva onadvnt. Ac|e+
na e ssyrthyassant llawer o vylyoed o|r rvuey+
nwyr. Ac ena e dygwydws lles amheravder en
vrathedyc y gyt a gleyf neb vn ac e bv varỽ.
Ac ena e brytanyeyt ket bey kan dyrvavr lafvr
wynt a kawssant e wudỽgolyaeth ar maes.
AC ena e gwascarassant e rỽueynwyr rey yr dyf+
feythvch ac|yr koedyd. ac|ovyn en ev kymell. ere+
yll yr dynassoed ac yr kestyll. ac y leoed kadarn e ffoynt.
Ar brytanyeyt hagen oc eỽ holl enny ac ev holl lafvr
en eỽ hymlyt. ac o trvanhaf aerỽa en eỽ llad. ac en ev
daly. ac en eỽ hyspelyaỽ. ac e velly megys e rodynt er ra+
nn wuyhaf onadvn ev dwylaỽ en wreygyavl y|ev rwy+
mav ac y|eỽ karcharv y keyssyav estynnv echedyc ev ho+
edyl. A henny o yavn vraỽt dyw. kanys ev hentadev
wyntev kyn no henny en andyledvs a gwnathoe+
dynt e brytanyeyt en trethavl. ar brytanyeyt
ar avr hon en nakav vdvnt wyntev e treth ed oe+
| « p 184r | p 185r » |