Cardiff MS. 1.363 (Hafod 2) – page 189r
Brut y Brenhinoedd
189r
crevlavn angheỽ. Ac odyna en e tryded
wlwydyn cvstennyn o ỽraỽt dwywaỽl y
gan kynan wledyc a las. a cher llaỽ ỽthyr
pen·dragon o vevn chor y kewry e cladwyt k+
er llaỽ salysbwry. Ac ena en nessaf y cỽstenn+
yn e devth kynan wledyc en vrenyn Gwas je+
ỽanc anryved y clot a|e volyant a ney y cỽsten+
nyn oed hỽnnv. a hwnnv a kynhelys llywodra+
eth er holl enys ac a wyskwys coron e teyrnas
a theylwng oed o·honey pey na charey kywdaỽ+
davl ryvel. ac ewythyr arall oed ydaỽ a dylyey
kaffael e vrenhynyaeth gwedy cỽstennyn. hv+
nnv a karcharwys ac a ladaỽd y deỽ ỽap. ar eyl
wlwydyn o|y arglwydyaeth e bv varỽ enteỽ.
AC en ol hvnnỽ e bv Gwerthevyr en vrenyn ac
en erbyn hvnnv e kyvodassant ac e dỽgant llyng+
es vavr e ssaysson oc eỽ kywdavt o Germany. Ac
eyssyoes ef a ymladwys ac|wynt. ac a orfỽ arna+
dvnt. ac a kynhelys llywodraeth er enys oll trwy
pedeyr blyned kan karyat a hedwch.
| « p 188v | p 189v » |