Cardiff MS. 1.363 (Hafod 2) – page 84v
Brut y Brenhinoedd
84v
a dyogelỽch endav. Ac gwedy gwybot o vaxen bot y
ofyn ef ar paỽb en kymeynt a henny. kymryt
glewder a orỽc endav ac amlhav a|orvc y lw kan
rody kyvarvsseỽ a rodyon amhyl vdvnt. A phwy b+
ynnac a wyppey y vot en chwannavc y grypdeylyaỽ
da dynyon ereyll er rey henny a kytemdeythokaey
vaxen y gyt ac ef. ac yr rey rodey eỽr ac aryant y ere+
yll. ac evelly o amraỽalyon rodyon nyt annodey ef gw+
ahavd pavb attav ac evelly ev kyvoethogy.
AC odyna kymeynt o amylder llw a kynnvllvs at+
tav megys ed oed tebyc a dyheỽ e galley goresk+
yn holl ffreync y gyt a|e therỽynev. Ac eyssyoes annoc
a orvc henny hyt pan darffey ydaỽ en kyntaf hed+
ychv e teyrnas a oreskynnassey a|e llenwy a|e ch+
yvanhedv o|r brytanyeyt. Ac vrth henny gwys
a ossodes hyt pan delhey cant myl o vyleynyeyt
a|thyrdywyllodryon a chynnvllav henny trwy
holl teyrnassoed enys prydeyn. ac ev hanvon
attav wynt. Ac y gyt a henny deg myl ar rvg+
eynt o varchogyon y gadv er rey henny ac y
| « p 84r | p 85r » |