BL Harley MS. 4353 – page 36r
Llyfr Cyfnerth
36r
talet y mach e| hunan. A phan gyfarffo y mach
a|r| talaỽdyr; yspeilet ef oc a| uo ymdanaỽ o di ̷+
llat eithyr y pilin nessaf idaỽ. Ac uelly gỽnaet
byth hyt pan gaffo cỽbyl tal y gantaỽ. O|r
byd marỽ mach dyn kyn talu o|r talaỽdyr dros ̷+
taỽ y vechniaeth. doet yr haỽlỽr ar y seithuet
o|r dynyon nessaf idaỽ uch pen bed y mach o|r
kaffant y bed. A thyngent y vot yn vach. Ac ony
chaffant y bed; tyngent uch pen yr allaỽr
gyssegyr y vot yn vach. Ac na diwygỽyt drostaỽ
y vechniaeth tra uu vyỽ. Ac uelly y keiff y da.
Kyt dycco mach y vechniaeth dros lud arglỽ ̷+
yd; ny chyll na dirỽy na chamlỽrỽ. O|r byd ma ̷+
rỽ talaỽdyr dyn ac na chaffo kymynnu y da
ỽrth neb. dyget y mach y vechniaeth dros y ma ̷+
rỽ. A thalet y teir ach nessaf idaỽ. A|r mach bieu
y| gymhell kystal ac ar| y| talaỽdyr bei byỽ.
Y neb a adefho dylyu da idaỽ; talet yn diohir
eithyr yn| y teir gỽyl arbenhic. y nadolyc. a|r
pasc a|r sulgỽyn. nyt amgen o nos nadolyc
gỽedy gosper. hyt duỽ kalan gỽedy efferen.
O nos Sadỽrn pasc gỽedy datỽyrein. hyt duỽ
pasc bychan gỽedy efferen. O nos sadỽrn sul ̷+
gỽyn gỽedy gosper; hyt duỽ sul y drindaỽt
gỽedy efferen. kany dyly neb gofyn y| gilyd.
| « p 35v | p 36v » |