BL Harley MS. 958 – page 11v
Llyfr Blegywryd
11v
bẏnhac a uo mach goruodaỽc dros arall
nẏ rẏdheir hẏt ẏmhen vn dẏd a|blỽẏ+
dẏn. Ac nẏ phoenir o vẏỽn hẏnnẏ dros
ẏ kam a wnel hỽnnỽ. kanẏs megẏs
rỽẏmedic ẏỽ mẏỽn ẏr achaỽs. ẏnẏ
ỽẏppo a del ẏ kẏlus ỽrth gẏfreith ae ny
del kẏn ẏ teruẏn. Pỽẏ bẏnnac a gẏ+
merho mach ar dẏlẏet a marỽ ẏ mach
kẏn talu ẏ dẏlẏet. doet ar ỽed ẏ mach
a|thẏghet ar ẏ seithuet o|r dẏnẏon nes+
saf ẏ werth ẏ rẏ|uot hỽnnỽ ẏn vach idaỽ
ar ẏ dẏlẏet o|r keiff ẏ bed. Ac onẏ|s keiff
ar aỻaỽr gẏssegredic. A gwedẏ hẏnnẏ ẏr
arglỽẏd bieu kẏmheỻ ẏ vechni dro* ẏ ma+
rỽ. Os ẏ kẏnnogẏn a uẏd marỽ. a|r mach
ẏn uẏỽ dẏget ẏ|mach ẏ vechni ẏn gẏffelẏp
ẏ|hẏnnẏ gan tyghu e hunan ar ued ẏ kẏn+
nogẏn. Ac ẏna ẏ teir ach nessaf ẏ|r talaỽ+
dẏr a|e talant ẏ dẏlẏet. onẏt enwis ẏ
kẏnnogẏn kẏmẏn dros ẏ dẏlẏet. Kẏt
dẏcco mach ẏ uechniaeth ẏn erbẏn ỻỽ
ẏr arglỽẏd nẏ chẏỻ ẏr hẏnnẏ na dirỽẏ
na chamlỽrỽ o gẏfreith. Nẏ dẏlẏ neb
rodi aỻtut ẏn vach. na|r neb a|uo kadar+
nach noc ef. na mẏnach heb gannat ẏ
abat. nac ẏscolheic ẏscol heb ganhat ẏ
| « p 11r | p 12r » |