BL Harley MS. 958 – page 25r
Llyfr Blegywryd
25r
rei absen o wẏs trỽẏ vechniaeth neu a+
uael paỽb o·honunt ẏ|r eil ỻẏs. A phỽẏ
bẏnhac o·honunt ẏn ẏr oet kẏmeredic
hỽnnỽ a tremẏcco ẏ kẏfrẏỽ wẏs heb ach+
aỽs aduỽẏn camlẏrẏỽs uẏd. Y rei kẏ+
drẏchaỽl hagen barnent ẏ dadẏl. neu
tẏgent na|s gỽdant rac coỻi camlẏrẏeu.
Ac ẏn ẏr eil oet. ẏn|ẏ trẏded lẏs barnent
ẏ dadẏl heb neb rẏỽ escus. neu ẏ|brenhin a
gẏmerho elchỽẏl ac a gẏnhalẏo gauel pob
vn ohonunt hẏt pan varhont* ẏ dadẏl honno
a|e theruẏnu ẏn gỽbẏl. Nẏt oes amgen
poen na dial o·nẏt kẏmheỻ trỽẏ gẏfreith
am wassanaeth diffic neu dẏlẏet neu rent
ẏ brenhin. o·nẏ wedir ẏn|ẏ erbẏn. eithẏr
gwassanaeth a diffẏccẏo ac nẏ aỻer ẏ|en+
niỻ. Nẏ|dẏlẏir rẏdhau gauel a gẏmerer
dros vn o|r tri diffic hin. hẏt pan wnelher
cỽbẏl drosti. Kẏn bo ỻiaỽs vn vreint o
vraỽtwẏr o vreint tir ẏn ẏr vn vraỽt. vn
eissoes a varn. nẏt amgen ẏ neb a datganho
ẏ vraỽt ẏn|ẏ ỻẏs rỽg ẏ kẏnhenwẏr trỽẏ
gẏtuundeb gỽẏr ẏ ỻẏs. A rei ereiỻ a vẏdant
kẏghorwẏr idaỽ ẏn|ẏ vraỽt. Ac o dẏgỽẏd ef
ẏ|gwerth ẏ tauaỽt achaỽs ẏ varn gẏffredin
a datganỽẏs ef drostaỽ ef. a throstunt ỽẏn+
| « p 24v | p 25v » |