BL Harley MS. 958 – page 46v
Llyfr Blegywryd
46v
ẏssẏd vab kẏsseuinaỽl. A|r ieuhaf ẏssẏd
eil|ẏ|haỽl. Ac ỽrth hẏnnẏ ẏ dẏwedir nẏ
eiỻ ẏr eil datanhud ỽrthlad ẏ kẏntaf. Ẏr
hoỻ vrodẏr ieuhaf ampriodorẏon ẏnt ar
gaffel datanhud cỽbẏl. kẏt kaffo pob
vn ẏ ran. Ac ỽrth hẏnnẏ ẏ dẏwedir. nẏ
ỽrthlad ampriodaỽr. ampriodaỽr arall.
D eu dẏd ẏssid nẏt amgen. naỽuet·dẏd
racuẏr. a naỽuet·dẏd mei ẏ dẏlẏir
dechreu gouẏn etiuedẏaeth o tir trỽẏ ach
ẏnduunt. kanẏs os o vaes ẏ|r dẏdẏeu hẏn+
nẏ ẏ dechreuir ẏ rẏỽ ofẏn hỽnnỽ; nẏ werẏt.
Pỽẏ bẏnhac a dechreuho gofẏn tir ẏn vn
o|r dẏdẏeu hẏnnẏ. darparedic uẏd idaỽ gaf+
fel barn hẏt ẏ ỻaỻ. Ac onẏ|s keiff. ẏn|ẏ
dẏd araỻ reit vẏd idaỽ kẏffroi dadẏl me+
gẏs o newẏd. A|thẏwẏỻ uẏd ẏ dadẏl hẏt
ẏ|trẏdẏd naỽuetdẏd. Pỽẏ bẏnhac a dech+
reuho gofẏn etiuedẏaeth trỽẏ ach naỽuet+
dẏd racuẏr neu nauuetdẏd mei; ẏ trẏdẏd
naỽuetdẏd ẏ dẏlẏ kaffel atteb. Ac ẏn naỽ+
uetdẏd o hỽnnỽ ẏ dẏlẏ caffel barn. Ac os
naỽuetdẏd mei ẏ dechreu a|e ohir am varn
hẏt aỽst. kaedic uẏd kẏfreith ẏn|ẏ erbẏn
hẏt naỽuetdẏd racuẏr. Ac ueỻẏ o|r dechreu+
| « p 46r | p 47r » |