Oxford Jesus College MS. 20 – page 60v
Saith Doethion Rhufain
60v
L lyma y chwedyl heb ynteu. yd
oed marchaỽc gynt a|welei y vot
beunoeth y myỽn tỽr vchel yn ym+
garu ac arglỽydes ieuangk delediỽ
ny|welsei eiryoet olỽc arnei o·dieithyr
y hun. A churyaỽ yn vaỽr a|wnaeth o
garyat yr vnbennes. Sef a gafas y+
n|y gyghor mynet y grỽytraỽ bydo+
ed a dinassoed amdanei. Ac ual y byd
yn kerdet ef a welei gaer vaỽr vylcha+
ỽc a chasteỻ ffyryf maỽr amlỽc yn|y
hymyl. A ffyryf·dỽr aruchel yn|y cas ̷+
tell kynhebic y liỽ a|e|lun y|r hỽnn a
welei y vot yndaỽ beunoeth ef a|r wre+
ic vỽyhaf a garei. A thu a|r tỽr y kyr+
chaỽd a|r brif fford y·dan y casteỻ a ger+
daỽd yny doeth yn|ogufuch* a|r tỽr a
bỽrỽ golỽc ar y tỽr a wnaeth. Ac ar+
ganuot y wreic vỽyaf a garei yndaỽ
A ỻawen a da vu ganthaỽ y gwelet
a|r dinas a gyrchaỽd. a daly ỻety yn+
| « p 60r | p 61r » |