Oxford Jesus College MS. 57 – page 88
Llyfr Blegywryd
88
mỽy. a ỻeidyr da bydaỽl* a|dalyer croen ar y
liỽ ganthaỽ. ac ny diheurer am y ỻỽdyn o
gỽbyl. Tri ỻeidyr a|dieingk o ledrat kyfad+
ef. reidus a grỽytro teir tref. a naỽ tei ym
pob tref. heb gaffel nac alussen a|e gỽaretto.
na gỽestua. kyt dalyer a ỻedrat ymborth gan+
thaỽ ryd vyd o gyfreith. a|gỽreic o|gytledrat
a|e gỽr priaỽt. a ỻeidyr edyn. kyfreith a|e rydha
namyn talu gỽerth kyfreith yr edyn a|duc o|e
O Tri mod y telir dirỽy treis. [ berchen.
vn yỽ. pan baỻo y reith y|dyn yn|gỽa+
du treis. Eil yỽ pan|ballo y amdiffyn yr
amdiffynnỽr yn erbyn y dyn. Trydyd yỽ.
pan baỻo y warant y ˄r dyn a|e galwo yn
dadyl treis. O tri|mod y kyỻ dadyl treis y
breint mỽyaf. vn yỽ o baỻu teithi treis.
ac o tystolyaeth vyỽyaỽl yn|dadyl treis. ac
o gỽynaỽ o haỽlỽr dỽyn o|e eidaỽ ef yr
hynn a ducpỽyt y dreis rac araỻ. ac nyt y
ganthaỽ ef. nyt mỽy hagen y reith yn|y tri
| « p 87 | p 89 » |