NLW MS. Llanstephan 27 (The Red Book of Talgarth) – page 114v

thunt. Eỽch ar|hyt y byt oỻ. a|phregethỽch y baỽp a vedydyỽch baỽp

o|r|kenedyloed. yn|enỽ y tat a|r mab a|r yspryt glan. Amen. A phỽy

bynnac a|gretto ac a uedydyer. hỽnnỽ a|vyd iach. A|gỽedy dywedut

hynny ỽrth y disgyblon. y gỽelsam ni ef yn esgynnu y|r nef.

A|phan gigleu yr offeireit a|r diagaonyeit yr ymadraỽd hỽnnỽ.

y dywedassant ỽynteu ỽrth y trywyr hynny. Rodỽch ogonyant

y duỽ a|chyffessỽch idaỽ os gỽir yr hynn a|glyỽssaỽch ac a|wel+

saỽch. Byỽ yỽ yr arglỽyd yn|tadeu ni heb ỽynteu. duỽ abraham

a duỽ ẏsaac. a duỽ Jago. yn bot yn|dywedut gỽirioned am we+

let ohonam Jessu yn|dywedut ỽrth y disgyblon. a|e welet oho+

nam ef yn esgynnu y|r nef. ac yn|diannot y kyuodassant tyỽ+

yssogyon yr|offeireit. a|chymryt y dedyf yn eu ỻaỽ. ac eu tyng+

hedu gan dywedut. Ni a|ch tynghedỽn yn enỽ duỽ yr israel na

thraethaỽch o hynn aỻan y petheu a|draethassaỽch o Jessu hyt

hynn. ac yr|tewi o·honunt rodi ỻawer o|da udunt. a|goỻỽng

hebryngyeit ygyt ac ỽynt y eu gỽlat ual na|ohiryynt yng|ka+

erussalem. Ac yna yd ymgynnuỻassant yr Jdewon ygyt. a

chan gỽynuan a|dryc·yruerth dywedut. Pa arỽyd heb ỽynt a

vu yr aỽrhonn yn|yr Jsrael. ac ar hynny y didanaỽd annas a

chaiphas ỽynt ual|hynn. a gredỽn ni heb ỽynt y|r marcho+

gyon a vu yn cadỽ bed Jessu. a|dywedassant ry drossi o|r angel

y maen y ar y bed y* bed* o|r vynnwent. agattoed hynny a|dywa+

ỽt ef udunt ỽy. a|r disgyblon a rodassant udunt da yr|dywedut

hynny a dwyn ohonunt ỽynteu corff Jessu. Gỽybydỽch yn|dieu

na eỻỽch gredu dim y estraỽn genedyl. kanys ỽynt a|gymeras+

saỽch lawer o|da gennym ni. Ac megys y dysgassam ni udunt

ỽy dywedut. Veỻy y dywedassant. ac eissyoes ỽynt a|dywedynt y