NLW MS. Llanstephan 27 (The Red Book of Talgarth) – page 118v
Efengyl Nicodemus
118v
hynn a|glyỽssei ynteu y gan vihangel archangel pan y
hanuonassei ef parth a|pharadỽys y wediaỽ duỽ am anuon
y angel a rodi oleỽ idaỽ o brenn y drugared y iraỽ y groth
pan yttoed yng|gỽander. Ac yna y nessaaỽd seth att y padrie+
irch a|r proffỽydi. a menegi udunt pan aeth parth a|phara+
dwys. Ac ual yd oed yn gỽediaỽ ar duỽ. nachaf angel yr arglỽ+
yd mihangel yn ymdangos idaỽ. ac yn dywedut. ỻyma vi
gỽedy vy anuon attat y gan yr arglỽyd. a|mi heb ef a|ossodeis
adaf yn|dywyssaỽc ar hoỻ genedyl·dyn. Ac ỽrth hynny mi a|dy+
wedaf ytt na lauuryaf i nac y wyloueu nac y wedieu am oleỽ
prenn y drugared. y iraỽ adaf dy dat ti. rac dolur na|gỽander
y|gorff ef. kanny cheffy dim o·honaỽ hyt yn|diwed yr amsero+
ed. pan vo kyflaỽn deucant mlyned a phum mil. Yna y daỽ
karedickaf uab duỽ ar y daear crist y gymryt corff adaf. ac
y gyuodi corfforoed y meirỽ yndaỽ ynteu. a phan del heb ef yn
eurdonen y bedydyir. A phan|ymchoelo ef o dỽfyr. yna o oleỽ
y drugared ef yd ir ef a gretto idaỽ. Ac oleỽ y drugared honno
a vyd y|r kenedloed a vont rac ỻaỽ. ac a aner o|r dỽfyr a|r yspr+
yt glan y vuched dragywyd yd aant. kanys yna y|dỽc crist
adaf dy dat ti ar prenn y drugared y baratwys. A phan|gi+
gleu y padrieirch a|r proffỽydi ymadrodyon seth. diruaỽr
lewenyd a|aeth yndunt. Ac ar|hynny nachaf sathan tyw+
yssaỽc uffern yn|dyuot. ac yn dywedut ỽrth uffern. Ym·bara+
toa yn erbyn Jessu. yr hỽnn a uocsacha o|e vot yn uab y
duỽ. ac eissyoes dyn yỽ ef ac ovyn angeu arnaỽ pan dyweit
Trist yỽ vy eneit i yn erbyn angeu. a ỻawer a|wrthwynebaỽd
ymi o|e drycweithredoed ef. a ỻawer o|r a|wneuthum i yn|deiỻon
| « p 118r | p 119r » |