NLW MS. Llanstephan 27 (The Red Book of Talgarth) – page 52r
Pwyll y Pader, Awstin, Breuddwyd Pawl
52r
profedigaeth. a hynny trỽy gytsynnyaỽ a|phechaỽt marwaỽl.
Trydyd drỽc yỽ. yr hỽnn yssyd arnam ni yn|gyndrychaỽl. a hỽn+
nỽ a|archỽn ni y|n|rydhau ohonaỽ trỽy y geiryeu hynn. Set
libera nos a|malo. amen. Sef yỽ hynny. rydhaa di ni arglỽyd y
gan y drỽc yssyd arnam yr|aỽrhonn. sef yỽ hỽnnỽ drỽc y pecha+
ỽt. neu dryc·boeneu dros y pechaỽt. Breudwyt baỽl.
D *yỽ|sul dyd detholedic yn|yr|hỽnn y kaffant yn|y dyd hỽn+
nỽ yr|eneidyeu a vont yn|y poeneu orffowys yn|diboen
trỽy leỽenyd. A gỽybydet baỽp panyỽ y baỽl ebostol. ac y vi+
hangel archangel y dangosses duỽ udunt uffern. Ac yna
paỽl a|weles geyr bronn pyrth uffern. deri tanỻyt. ac ỽrth eu
keingeu pechaduryeit yngcroc. Rei o·nadunt geyr bleỽ eu
penneu. ereiỻ geyr eu|dỽylaỽ. ereiỻ geyr eu breuanteu. ereill
geyr eu tauodeu. ac ereill geyr eu breicheu. Ac yna y gỽeles
paỽl yn ỻe araỻ ffỽrn yn ỻosgi. a seith fflam amliỽ yn kyuodi
ohonei. a|ỻawer yn eu poeni yndi. Ac yng|kylch y ffỽrn yr oed+
ynt seith pla. kyntaf oed eiry. a|r eil oed tan. Trydyd oed ia. Pe+
dweryd oed waet. Pymhet oed seirff. chwechet oed meỻt. Seith+
uet oed drewyant. ac y|r ffỽrn honno yd anuonit eneityeu
ny wnelynt eu penyt yn|y byt hỽnn. Rei o·honunt yn wyl+
aỽ. ereiỻ yn udaỽ. ereiỻ yn kỽynaỽ. ereiỻ yn keissyaỽ angeu
ac ny|s|keffynt. kanny byd marỽ eneit yn|dragywydaỽl. ỽrth
hynny ỻe ofnaỽc yỽ uffern. yn|y ỻe y|mae tristit heb lewenyd
a|dolur tragywyd. ac amylder o dagreu a|chỽynuan caỻon.
ac oeruel maỽr trỽy losgedigaeth eneidyeu. Yno y|mae rot
o|dan a mil o yrd arnei. a|dieuyl a|e try un·weith beunyd ac ar
bop gỽeith y ỻosgir mil o|eneidyeu. Odyna y gỽeles paỽl auon
The text Breuddwyd Pawl starts on line 7.
| « p 51v | p 52v » |