NLW MS. Llanstephan 27 (The Red Book of Talgarth) – page 58r
Ystoria Adrian ac Ipotis
58r
1
dẏmheru ẏ daẏar yn galet. ac ẏn naỽsseid. a|r koet
2
a|r llysseu. a|r glasswellt. a|r gweithredoed o|r a uẏnna+
3
ỽd. Duỽ merchẏr ẏ gỽnaeth ef ẏ pyscaỽt yn|y llẏn ̷+
4
noed. a|r ednot ẏ e·hedec. A gorchẏmun udunt menet*
5
gogylch ẏ byt ẏ ganhorthỽyaỽ ym·borth y gnaỽdaỽl
6
dynyon. Duỽ ieu y goruc crist yscrybyl ym myny ̷+
7
ded ac ym|broyd a rodi tir udunt ẏgkyueir eu porthant.
8
ac erchi udunt troi dẏnyon y da pressennaỽl. Duỽ gỽe ̷+
9
ner y goruc ef adaf ar ẏ lun e|hun. ac y dodes enỽ arnaỽ.
10
ac a|e gỽnaeth ẏn ỽr medyannus. ac a rodes bywyt idaỽ
11
o|r yspryt glan. Ac o assen y adaf y gỽnaeth ef Eua.
12
ac a|e rodes yn gymmar idaỽ. ac a|e gỽnaeth yn arglỽyd
13
ar holl paradỽys. Duỽ sadỽrn gỽedy medylẏaỽ pob
14
peth ẏ bendigaỽd y weithredoed trỽy ewyllys da yn
15
uchel ac yn issel. Ac erchi udunt amhylhau pob un
16
yn|y vann ohonunt. Duỽ sul rac·ỽyneb y gorffowyssa+
17
ỽd Jessu. Ac erchi y baỽb o gnaỽtaỽl dynyon kymryt
18
yn|y kof orffowys yn|y dyd hỽnnỽ. Ac ymoglyt rac
19
pechodeu marwaỽl. a gỽassanaethu duỽ a|r eglỽys ga+
20
tholic. Hynn a|digaỽn bot y wir oll. Pỽy yỽ y gỽr ny
21
anet ac a vu. y mab a dywaỽt y mae adaf a rodes duỽ
22
vywyt idaỽ ym paradỽys. ac a|e gỽnaeth o|e laỽ e hun.
23
Ẏr amheraỽdyr yna a ouynnaỽd y|r mab. Jpotis a|dy+
24
waỽt py|saỽl amryuael defnyd y gỽnaethpỽyt dyn o+
25
honunt. Y mab a dẏwaỽt mae o seith defnyd. nyt am+
26
gen prid a dyfỽr. a mor a|r heul. a|r gỽynt a|r awyr. ac
27
o|r mein ger·llaỽ y mor. a heuyt o|r yspryt glan. O|r
| « p 57v | p 58v » |