NLW MS. Llanstephan 4 – page 9v
Chwedlau Odo
9v
diodyd yn archaỽc*. A phan daruu y wled
paỽb a|aethant tu a|e kartrefoed. A
phan yttoed y bleid yn mynet trỽy
dinas tu a|e|gartref. ef a|welei yr|hỽch
yn yssu soec a|gỽadaỽt ar yr heol. a go ̷+
uyn a|oruc hi y|r bleid o pa le yr oed yn
dyuot. ac atteb a|oruc ynteu y vot yn
dyuot o vaỽrhydic wled y ỻeỽ. A pha+
ham heb ef na buost ti yno. Beth heb
a geffit yno. a oed yno wadaỽt. Taỽ
heb ef emeỻtigedic vych. ae myỽn
gỽledd gỽr kyfurd a hỽnnỽ y perthy+
nei vot bỽyt mor anheilỽng a
hỽnnỽ; veỻy ỻawer o|r bobyl yr cly+
bot doethineb a synhỽyreu maỽr ny
rodant dim yr hynny ony chaffant
wadaỽt. Sef yỽ hynny. godineb segyr+
ỻytrỽyd chỽant cnaỽdaỽl megys y
dyweit Ose tertio. Respiciunt ad deos
aleinos et diligunt vinacia vuarum
sef yỽ hynny drewedicrỽyd a|phechaỽt
E nt a dỽ
y mor att
y ỻongay ac adolyc bo idaỽ yr
tal y y dỽyn ed. yna
| « p 9r | p 10r » |