NLW MS. 3036 (Mostyn 117) – page 151
Brut y Brenhinoedd
151
Ereill a deuant yr ym lad. Ac arall a lad hỽnnỽ.
Y Pymhet a nessa yr lladedigyon. Ar neill o agheu
oed amryual a uriỽ. Odyna yd escyn kefyn vn a|ch+
ledyf. Ac y guahan y pen y ỽrth y gorff. yny bo dio+
dedic y wisc; yd escyn arall a|e deheu. Ac a|e bỽrỽ y
assỽ. hỽnnỽ a orchyuyca y noeth pryt na allei dim
yn wiscedic. y lleill a boenha y ar eu kefyn. Ac yg
crynder y teyrnas y kymhell. Teir pym ran a dỽc
yn vn. Ac e hun a uyd arglỽyd ar y bobyl. Kaỽr a ech+
tywynycca o wyn liỽ. A|e* pobyl wen a blodeuha.
Tegycheu a diwreidha y tywyssogyon. A darystyg+
edigyon a symudir yn aniueileit mor. Yna y dỽ+
yrhaa lleỽ. hỽydedic o dynaỽl greu. dan hỽnnỽ
y dodir iachỽyaỽdyl yn yt. yr hỽn tra lafurhyo
o vryt a gywarsegir y gan hỽnnỽ. y rei hynny
a hedycha kerbyt kaer efraỽc. Yr hỽn a dyweit
escynet y kerbyt. yny bo gỽrthladedic arglỽyd.
yny bo noeth y gledyf ygogyuedeu y dỽyrein.
Ac oleu y olỽyneu a leinỽ o waet. Odyna y byd pys+
caỽt yn|y mor. yr hỽn atalwedic o chwibanat.
neidyr a gyttya ac ef. Odyna y genir tri tharỽ e+
chtywynedic y rei a ymhoelir yn wyd guedy tre+
ulhont eu porueyd. y kyntaf a arwed frowyll gỽe+
nỽynic. Ac y ỽrth y ganedic wedy ef y trossa y ge+
fyn. Dỽyn y ffrowyll y|gantaỽ a lafuryant ỽynteu.
Ac y gan yr eithaf yd agreiffir. ymhoelut pop eil+
wers eu hỽynebeu hyny vyryhont wenỽynic chwer+
thin.
| « p 150 | p 152 » |