NLW MS. Peniarth 11 – page 125v

yn gỽeidi am|dyuotyat y milỽr da. Arglỽyd heb hi casteỻ y meu+

dỽy du y gelwir hỽnn. Ac yr duỽ arglỽyd heb hi yr archaf ytt

nat ymyrrych ar|dim ar a|wnel neb ytt o dy vyỽn. kanys ef a

damweinyei ytt anghyveilyorn. ac nyt oes heuyt gedernyt

gedernyt* yn eu|herbyn. ar hynny dy·nessau a|orugant tu a|r

casteỻ. Ac ual y bydynt ỽy ueỻy ỽynt a|welynt yn|dyuot trỽy

borth y casteỻ marchogyon urdolyon duon maỽr. ac eu ha

harueu yn|duon. ac yd|oedynt ỽrth rif. vn a|thrugeint a|cha+

nt. ac yn|dyuot gyntaf ac y geỻynt parth ac att y morynyon

a|r gadeir. ac yn|kymryt deudec a|deugeint a chant o|benneu.

a phob un yn|taraỽ y waeỽ yn|yr eidaỽ. ac yn mynet y|r cas+

teỻ. ac argyssỽr maỽr a|vu ar walchmei pan weles gỽneuthur

ueỻy. a|chewilydyus vu. Arglwyd walchmei heb yr|vnbennes

ti a|wely mae bychydic a dal dy gedernit|ti yr awrhonn. Gwae|vi

heb ef ys drỽc a gasteỻ yỽ hỽnn. Je heb hitheu. ny cheffir gỽa+

ret vyth o hynn. na|r rei a|glywy di yn ymgỽynaỽ. ny chaf+

fant eu goỻỽng o|r carchar yny del y marchaỽc da a|glywy

di ỽynt yn|gỽedi am·danaỽ. A|vnbennes heb·y gỽalchmei ef a

dichaỽn y marchaỽc hỽnnỽ uot yn|ỻawen pan aỻo o|e geder+

nyt distriỽ kymeint a|hynny o genedyl drỽc. Gỽir a|dywe+

dy di heb hi. eil oreu yỽ ynteu yn|yr|hoỻ vyt onyt goreu. a

ieuanc digaỽn yỽ. a|doluryus yỽ gan vyng|callon am na|ỽnn

pa|le y mae. veỻy vy|hun heb·y gỽalchmei. A aỻaf|i vynet

ymeith beỻach gan dy gennat heb·y gỽalchmei. Na|eỻy

yny delỽyf heb·y casteỻ. a|gỽedy hynny mi a|dangossaf ytt

y fford y dylyych vynet. a|gỽedy hynny y kerdassant y·gyt. ac