NLW MS. Peniarth 15 – page 78

Ac halogi y|gwiscoed a|r llestri kyssegredic pann y deimlont arvthvr a|ffieid vy+

dant gann yr egẏlẏonn A|r engylẏonn yn ffo racdvnt Discipulus A|wna dvw me+

gys ẏ|dẏwedir y veibon Magister. A|hevẏt nẏt y|veibon a|e|llitẏant ef am|ẏ|bv+

dredi wrth hẏnnẏ med yr arglwyd Mi a|gvdẏaf vẏ wynep y|wrthvnt ac

racdvnt y|veibon y|geilw ef yw o|achos ẏ hoffeiradaeth Ac am|ẏ|bvdred

y|dyweit nat y|veibon ẏnt Ac ny|chẏmer dvw y|haberth wy namyn y|ffi+

eidyaw megẏs y dẏwedir vy eneit. i. a gassaa ych aberth chwi med yr ar+

glwyd kannẏs bara halawc a|offrẏmassach ẏm A chnnẏ* aller halogi corff

yr arglwẏd herwẏd y|gallont wẏ ef ha* |halogir yn annosparthvs megẏs

bara arall ẏ kẏmerant Nẏ|chẏmerir hagen ev gwedi namẏn yn becha+

wt y|byd vdvnt kannys nẏ gwerendev dvw yw* a|e|bendith a|drossir v+

dvnt yn emelltith med yr arglwyd Discipulus A gymerant wy corff yr arglw+

ẏd. Magister. Meibon dvw e|hvn a|e kẏmerant A|rei nyt ydiw dvw ẏgẏt Ac

wẏnt kẏt gweler y|bot ẏn|ẏ dodi ẏn|ẏ genev nẏs kymrant* namẏn egy+

lyon a|e drwc* y|r nef a|chẏthrevl a|vwrw marorẏn* vffernnawl ẏn|ẏ genev

wyntev yn lle bara a|gwenwynn dreigẏev ẏn lle gwin megẏs ẏ|dẏwet

tiprianvs. Discipulus. Ponẏt vn ryw a|gymerth Jvdas a phedẏr. Magister. Nac ef peder

a|garawd yr arglwẏd Ac wrth hẏnnẏ y|kẏmeth* y|rinwed a|e nerth a|Jvdas

a|e kassaawd Ac wrth hẏnnẏ yn ol y|tameit hwnnw yd aeth y kythrevl

yntev yndaw Discipulus A|dylyir vfvydhav y|ryw offeireit hẏnnẏ. Magister. lle y|gor+

chẏmẏnont wẏ da Ef a|dẏlẏir bot yn vfvyd y|dvw Ac nẏt vdvnt

wy lle y|dyscont wyntev drwc Ef a|dẏlẏir ev tremẏgv kannẏs reit yw

vfvydhav y|dvw yn vwẏ noc y|dynẏon. Discipulus. A|allant wẏ ellwg nev

rwẏmaw. Magister. Gallant onnẏ bẏdant wachadedic* o|varnn eglwys kannys

krist e|hvn drwy ev gwassannaeth wẏ yssyd yn rwẏmaw ac yn ellwg

o|bydant hagen wahardedic wyntev nys gallant kannẏs tra vv|Jvdas

gyt a|r ebestyl Ef a|bregethawd Ac a|vẏdẏawd* ac a|wnnaeth wyrthev.

a gwedẏ y|gilyaw y|wrthvnt Ef a ymdangosses megys gelẏn kyhoedawc

velle ytra vydont wyntev yg|kẏffredinrwẏd yr eglwys Ef a|vẏd kadarnn

pob rinwed a|wnnelont prẏt na|bont wyntev diffrwẏth vẏd ev|gweit+

hredoed Ac wrth hẏnnẏ bleidẏev ynt pawb a|dẏlẏant ev gochlẏt Megys

ẏ|dẏwedir vẏm pobyl. i. ewch oc ev plith wẏ Rac ych bot yn gyfvra+

nawc ar ev poenev J|gochel wẏnt a|dẏlẏir o|vedwl Ac ewylys* rac|kẏt+

sẏnnyaw a|e drwc weithredoed. Discipulus. Pa ryw gytssynnẏaw. Magister. o|molir

y|drwc weithredoed nev o|nerthir wẏnt ae o|da ae ẏ|gẏnghor Nyt y|rei

yssyd yn gwnnevthvr y|drwc e|hvn yssyd teillwng* o|anghev namẏn

a|gytssẏnnẏho Ac wẏnt Ac o chẏtssynnyir ac wẏ ef a|dẏlẏir ev gochel

rac ev bot yn achos y|gwymp y|bopyl. Discipulus A|dẏlẏir dywedvt geirev