NLW MS. Peniarth 15 – page 87

gwennwynawl y bara a|phop peth o|r a|del ohonei velle y|bv adaf yn bellen

legredic a|phawb o|r a|anet ohonaw a|lygrwẏt o|bechawt pei na wnelit yn vyw

drwy vedẏd yn anghev y|prẏnnẏawdẏr a megẏs y|glenheir y|ryeni drostwnt

e|hvnein ẏn|ẏ bedẏd velle ẏ mae reit atnewydv y|plant drostvn e|hvnein yn|y

dedẏf drwẏ anghev krist megẏs y|dywedir pawb a|wnneir yn vyw yg|krist

Discipulus. Paham na|at dvw y|rei dyvot y|r byt y|gaffel bedẏd nev paham gwedẏ

y|ganer y|dwc dvw o|r byt kynn ev bedẏdẏaw. Magister. Brodẏev dvw dirgeledic o achos

yr etholedigyonn yw hẏnnẏ O welet y|rei hẏnnẏ ym|poenev heb y|haẏdv

ac wyntev yg|gogonnyant heb y haydv heuyt yna y|byd mwẏ ev diogelwch

yn dvw am ev diang o|e rat ef o|r poenev a|obrynnẏnt. Discipulus. Pa|boen a|vyd

ar y|rei bychein. Magister. Tywẏllwch e|hvn Discipulus A|argweda* dim y|rei bychein o|e

geni o|gam welyev megẏs o|bvteinrwẏd nev o|garessev nev o|dynẏon

krevẏd. Magister. Nac argwedha dim o|chant vedẏd mwy noc y|r gwenith

a|dẏgit yn lledrat a|e hev o|leidẏr. Discipulus. A|argẏwedha pechodev y|reni* r|r mei+

bon nev pechodev y meibon y|r ryeni Yscrivennedic yw nyt argẏwedha

y|r tat ennwired y|mab nac y|r mab ennwired y|tat onnẏ chyt·synnẏant

bawp onadvnt a|e gilẏd megẏs nat argẏwedawd Jiosvas vot y|tat

gynt yn drwc kẏnn noc ef na|e vap yn da wedẏ ef kannẏ chyt·syn+

nyawd ac wynt kannẏs o|chẏt·sẏnnẏa y|rẏens* a|r plant. a|r meibon

a|ryeni am ev drwc e|hvnein yna yd|aant yg|kysyrgoll* Discipulus Am priodas

aghennadedic ae gorthrwm priodi kares. Magister. Nac ef herwyd annyan

herwẏd gossot yr eglwys mawr yw. Discipulus. Pa|delw y|provi di hynnẏ

Magister Nyt bwẏta yn* erbẏn* yr aval a|vv drwc a|phechawt namyn y|vwẏta

yn erbẏn gorthymvn* dvw a|vv vwyhaf y|pechawt Discipulus Paham y|kyme+

rth y|tatev gynt ẏ|karessev. Magister. Nẏ charei y|gwẏr gynt onnyt ev ge+

dẏmdeithonn megẏs y|dywedir kar dy gedymdeith a|chassaa dy elyn ac

wrth hẏnnẏ y|dvgant merchet y karant megys y|gellẏnt ẏ|karv A ni

a|dywnn* karv yn gelynnyon a|channẏs y|gwaet a|gymell karv y|karant

y|gossodes yr eglwẏs drwy yr yspryt glan kymryt mechet* ẏr estwronẏon*

megys y|bo gwreicvron ni a|r estronnẏon yn rwynn* karẏat ac o|hẏnnẏ

y|lletta drwy yr holl dynyawl genedyl y|karyat ẏrẏgtvnt. Discipulus Pa|delw

y|provi di nat pechawt priodi karessev. Magister. Ponẏt kannat y|dev vroder

priodi y|dwẏ chwiored Discipulus. kannyat. Magister. Chwaer vẏ|gwreic. i. a|vyd

kares ymi o|e gwaet hi Elchwyl vy|mrawt ynhev os pechawt hẏn+

nẏ weithon hewẏd* annyan paham ẏ|gẏmerth vy|mrawt. i. a|e gares

yntev wrth hẏnnẏ herwyd annyan nyt oes yno pechawt herwyd

gwahard y|mae yn orthrwn* nẏs dylẏaf. Discipulus. Pa|delw y|gweherdir kym+

rẏt y|mammev bedyd nev y|merchet bedẏd. Magister. Megys y|dẏwet·pwyt vchot