NLW MS. Peniarth 18 – page 1v
Brut y Tywysogion
1v
1
*gỽedi. kanys erbyn y seithuet dyd y bu uarỽ.
2
Ac yna yd aeth gỽilym goch brenhin yr hỽnn kyntaf a oruu
3
ar y saesson o glotuorussaf ryfel hyt yn norman+
4
di. y gadỽ ac y amdiffyn teyrnas ropert y vraỽt.
5
yr hỽnn a athoed hyt yg|kaerusalem y ymlad a sara+
6
sinyeit a chenedloed ereill agkyfyeith. ac y amdi+
7
ffynn y|gristonogaeth. ac y|haedu mỽy o glot. a gỽil+
8
lym y|trigyaỽ ynn normandy. y|gỽrthladaỽd y|bryt+
9
tannyeit lyỽodroaeth y|freinc hep allel godef eu creu+
10
londer. a thorri y|kestyll ygỽyned. a dechemygu an+
11
reitheu. a lladuaeu arnunt. Ac yna y|duc y|ffreinc
12
luoed hyt ygỽyned. a|e kyfuerbynnyeit a|oruc cadỽ+
13
gaỽn ap bledyn. a|e kyrchu. a|goruot arnunt a|e gyr+
14
ru ar ffo. a|e llad. ac o diruaỽr lladua y|bỽrỽ a|e gostỽg.
15
ar urỽydyr honno a|ỽnaethpỽyt yg|koet ysbỽys. ac
16
yn diỽed y ulỽydyn honno y torres y|bryttannyeit
17
gestyll keredigyaỽn. a|dyuet. eithyr deu. nyt
18
penuro. a|ryt y|gors. ar bobyl. ar|holl ani+
19
dyuet a|dugant gantunt. ac adaỽ a|oru+
20
a|cheredigyaỽn ynn diffeith. Y ulỽdyn
21
eithaỽd y|ffreinc gỽhyr a chetỽedli
22
trigyaỽd y|gỽladoed ynn diffeith.
23
kyffroes gỽillym urenhin lu
24
a gỽedy kymryt o|r bryt+
25
coedyd. ar glynnoed. yd
26
orỽac hep ennill dim.
The text Brut y Tywysogion starts on line 1.
| « p 1r | p 2r » |