NLW MS. Peniarth 190 – page 198
Ymborth yr Enaid
198
ueidraỽl diuessur dragywydolder serch
a maỽred eglurder y berffeithlaỽn degỽch
megys yn oet deudengmlỽyd ual yd|oed
y gỽynuydic arglỽyd iessu grist yn|yr
amser y dechreuaỽd dyscu yn|y demyl. ac
yn mynych wanegu amrauael disgleir+
der degỽch karueidserch o berloewgoch+
yon ganheitlỽyssyon deurud. hyt nat
oed neb·ryỽ greadur o|r a|e gỽelei a|aỻei
arnaỽ na syrthyei yn|y varỽlewyc o dra+
serch a|thra diruaỽr garyat ar y perffe+
ithgỽbyl anrydedus dwyỽaỽl degỽch
hỽnnỽ. Ac nyt ryued kanys tragywyd+
aỽl vuched. ac an·orffen vywyt an·ter+
vynedic oed edrych ar y dwywaỽl deil+
yngserch wyneb hỽnnỽ. A|chyn ny aỻei
neb·ryỽ greadur kynnal yn|y gof na|e
vedỽl mil canuet rann disgleirder yr
eiryanỻathyr degỽch a|oed. Eissyoes
kymeint ac a|aỻaỽd y|braỽt y gynnal
ganthaỽ ef yn|y vedỽl o|adurnbryt y
| « p 197 | p 199 » |